Хөгжлийн хурд саарч, амьдралын төвшин унан Ойрхи Дорнодын сөргөлдөөнтэй орнуудад 12 триллион ам.долларын хохирол авчирчээ.
Энэтхэгийн Strategis Foresight
Group гэх судалгааны төвийн гаргасан илтгэлд энэ талаар өгүүлжээ.
Судалгаанд энэтхэгчүүдээс гадна гадаадын шинжээчид оролцов. Судалгааг
явуулагчид сүүлийн 20 жилийн бүс нутгийн сөргөлдөөний үр дагаварыг
тооцоолсон байна. Тэдний тоонд Палестин-Израилийн сөргөлдөөн, Ливаны
дайн, Иракт АНУ довтолсон зэрэг оров. Судалгааны төвийн дарга Сандип
Васлекарын хэлснээр хэрэв Израиль-Палестин хоёр 1991 оны Мадридын Ойрхи
Дорнодын бага хурлаар энхийн хэлэлцээр байгуулсан бол өнөөдөр тэдний
нэг хүний дундаж орлого одоогийнхоос хоёр дахин их байх байсан гэнэ.
Ийм маягийн үзүүлэлт иракчуудын хувьд гурав дахин буурсан гэж тэр хэлэв.
Илтгэлд бичсэнээр Баруун эргээс 150
мянган израильчуудыг нүүлгэсний зардал болон палестинчуудад нөхвөр
төлсөн ч гэсэн израиль айлын дундаж орлого 2010 онд 4429 ам.доллар
болох ёстой байсан байна. Дайнгүй бөгөөд эдийн засгийн хориггүй байсан
бол Иракийн үндэсний нийт бүтээгдэхүүн 2,2 триллион ам.доллар хүрч
өнөөгийн үзүүлэлтээс 38 дахин их байх байжээ.
Энэ илтгэл нь сөргөлдөөнтэй
орнуудад мөн хэмжээний хохирол үзүүлэн тэдний энхийн эрмэлзлэл
төрүүлэхэд тустай хэмээн Энэтхэгийн төвийнхэн найдаж байна. Шинжээчдийн
дүгнэлтийн Норвеги, Катар, Швейцари, Турк албан ёсоор дэмжжээ.